Ég veit eitt land



Ég veit eitt land er ég vakna til
ég veit eitt land er ég sofna til
um ævi.

Iðar jörð undir iljum mér
örfínt regn strýkur vanga mér
á vori.

Allt svo blátt fyrir augum mér
angan lyngs fyrir vitum mér
á sumri.

Hrynja lauf fyrir hlustum mér
hvísla vindar í eyru mér
á hausti.

Sindrar mjöll fyrir sjónum mér
syngur hríð fyrir eyrum mér
á vetri.

Landið vakir í vitund mér
vagga og gröf: þú býrð í mér.


Hjörtur Pálsson.